Euskaraz bizitzeko nahia eta beharra

Euskararen Gizarte Erakundeen Kontseiluak 'Euskaraz bizi nahi dut, duzu, dugu!' ekimenaren berri eman du

Julen Biguri

Kontseiluak ezagutzera eman duenaren arabera, 'Euskaraz bizi nahi dut, duzu, dugu!' ekimenari hasiera eman diote. Baina ekitaldi nagusia Donostian, urriaren 18an izango da, euskalgintzaren eta kulturaren hainbat eragileekin.

Urrian Doka kafe antzokian egingo den ekitaldirako bideo bat aurkeztu du Eukararen Kontseiluak. Bertan hitzaldietaz, elkarrizketetaz eta mahaingurukoetaz gain, kontzertutxo bat emango dela adierazi du euskararen aldeko erakundeak. Haien ustez, 'aldarrikapen alaia egin behar da, baina gogorra'.

Kontseiluak gehiagotan egin ditu honelako erakunde eta kanpainak, azkena maiatzaren 15ean izan zen, Nafarroan. Erakundearen xedea administrazioan eta eguneroko lan eta aisietan euskara herriaren tresna izatea da. 'Aukera hori ez daukagu eskura ere ez leku askotan, eta hori lotsagarria da' adierazi zuten Nafarroako ekitaldian.

Aurkeztutako bideoa:

http://vimeo.com/30482613

Euskararen Gizarte Erakundeen Kontseiluaren webgunea:

http://www.kontseilua.org/index.php

Zuzeu albistarian argitaratutako artikulua:

http://zuzeu.com/2011/05/18/euskaraz-bizi-nahi-dugula-aldarrikatzeko-beste-aukera-bat-nafarroako-foru-hauteskundeak-2/

Berria egunkarian argitaratutako artikulua:

http://www.berria.info/albisteak/56016/euskaraz_bizitzeko_aldarria.htm

Euskaldunon Egunkaria-ko auzipetuei babesa emateko bildu dira hainbat lagun

Auzipetuak beldur direla esan du Torrealdaik

Jone BILBAO

Euskaldunon Egunkaria-ren auzia zabalik dago oraindik. Auzipetuei babesa emateko bildu dira hainbat lagun Egunkariak egoitza zuen lekuan, Andoaingo Martin Ugalde Kultur Parkean. Izan ere, Euskaldunon Egunkaria-ren aurkako bigarren polizia operazioaren zortzigarren urteurrena beteko da Urriaren 16an.

Lehen auzian absolbitutakoekin batera aurpegi ezagunen asko izan dira bertan, horien artean, Joan Mari Torrealdaik egin du hitz jendeaurrean. Torrealdaik operazioa eta auzia salatzeaz gain, “Egunkaria auzia abiarazi zutenak berriro Moncloan ikusteko arriskuak” ez diela lasaitasunik ematen adierazi du auzipetuei.

"Zein izan zen operazio hartako protagonista nagusia?: Jose María Aznar eta bere Gobernua. Ez ahaztu, Barne Ministerioa eta Justiziakoa, ohar konpartitu bat argitaratzeraino iritsi ziren, eta Barne Ministerioak gure aurkako helegitea aurkeztu zuen gutariko batzuek torturak salatu zituztelako. Gobernu hartako lehen lehendakariorde izan zen Mariano Raxoik aukera handiak omen dauzka orain Espainiako gobernuko lehendakari izateko", esan du Torrealadaik.

Torrealdaik emandako hitzaldiaren bideoa:

http://www.ustream.tv/recorded/17866335#utm_campaign=synclickback&source=http://berria.info/albisteak/55998/torrealdai_auzia_abiatu_zutenak_moncloan_ikusteko_arriskuak_ez_digu_lasaitasunik_ematen.htm&medium=17866335

http://twitter.com/#!/egunkarialibre
(twitterreko iritziak)

Beste batzuk:

http://berria.info/albisteak/55998/torrealdai_auzia_abiatu_zutenak_moncloan_ikusteko_arriskuak_ez_digu_lasaitasunik_ematen.htm

Berria.info

http://www.euskomedia.org/aunamendi/131807

Jose Mari Torrealdai

Urpeko leherketa bat eman da Hierroko irlan

Lasaitasunez eta nekez hartu dute berria Kanarietako irla txikieneko biztanleek

Espainiar Estatuko hainbat zientzilariek baieztatu dutenez, urpeko erupzioa eman da Hierroko irlan. Hainbat zientzialariek esan duten bezala burutzen ari da magmaren jarioa. Bitartean, Irlako biztanleek nekez baina lasaitasunez hartu dute berria. Haien premia dena "azkar" eta "berehala" amaitzea dela argitu dute.

Geografiako Institutu Nazionalak (GIN) magma jarioa lurretik 900 metroetara hasi dela argitu du, eta antza denez ez dago kezkatzeko arrazoirik. Hala ere, Kanariar Uharteko Herrizain eta Emergentzia planerako ordezkaria den Juan Manuel Santanak bilera bat antolatu du biharko. Santanaren ustez, "alarma gorria piztu behar ez den arren, krisi bat gertatzen ari da".

Europa mailan, esaterako, Italia eta Islandian, erupzioak normalagoak badira ere, Espainiar Estatuan fenomeno arraroa dira sumendien leherketak. 30 urte dira azken erupzioa eman zenetik, 1971eko Teneguia sumendian, La Palman.

http://www.elpais.com/articulo/sociedad/cientificos/confirman/erupcion/submarina/cerca/isla/Hierro/elpepusoc/20111010elpepusoc_5/Tes

http://www.elpais.com/articulo/sociedad/acabe/reventar/le/haga/dano/nadie/elpepusoc/20111010elpepusoc_14/Tes

El País egunkaria

Kordoban desagertutako haurren amak senarra salatu zuen igandean

2 eta 6 urteko haurrak topatzeko ahaleginak egiten ari dira Espainiako polizia eta Udaltzaingoa

Jone BILBAO

Larunbatean kordoban desagertutako 2 eta 6 urteko umeen amak salaketa jarri du senarraren kontra, “Presioa eta irainak” egitea egotzi dio. Salaketa igandeko 03:00etan jarri zuen. Ordurako adingabeak desagertuta zeudela egiaztatu du Espainiako poliziak. Salaketan ez da haurren desagerpena aipatzen eta gainera, ez ditu “tratu txar” fisikoei men egiten. Aipatzekoa da bikoteak dibortzio prosezua hasi zuela hamabost bat egun aurrera.

Espainiako Polizia eta Kordobako Udaltzaingoa bilaketa lanetan jarraitzen dute iragan den larunbatetik. Haurrak kordobako hiriburuko Cruz Conde parkean desagertu ziren, hortaz, inguru guztia miatu dute, Guadalquivir ibaitik gertu dagoen gunea barne. Baina, ez dute pistarik aurkitu.

Adingabeak asteburupasa zeuden Kordoban, aitaren familiaren etxean. Izatez, Huelvan bizi dira.

Bideoaren link-a:

http://www.eitb.com/eu/bideoak/osoa/753593/berririk-ez-oraingoz-kordoban-desagertuta-dauden-bi-haurren/ 

http://www.eitb.com/eu/albisteak/gizartea/osoa/753436/poliziak-kordoban-desagertutako-bi-haurren-aita-galdekatu-du/  

Eitb albisteak

http://www.elpais.com/articulo/espana/Intensa/busqueda/ninos/desaparecidos/Cordoba/elpepuesp/20111009elpepunac_3/Tes

El pais

“Suminduak” Bruselara iristean istiluak eta atxiloketak izan dira nagusi

Larunbat arratsaldean iritsi ziren Belgikako hiriburura Espainiako ehun ”sumindu” inguru. Txalo artean eta besarkadekin hartu zituzten hiriburuan. Iritsi bezain pronto, lehen batzarra egin zuten bertan bildutako 400 pertsonek, poliziaren esanetan.

Gaua iristearekin batera, Elisabeth izeneko hiriko parkean kanpatu zuten. Poliziak ukatu egin zien baina, Belgikan kanpatze libre debekatuta baitago, eta istiluak nagusitu ziren. Guztira 48 pertsona atxilotu zituzten; horietatik 27 espainiarrak. Dagoeneko baina aske utzi dituzte.

Poliziaren esanetan, parkean egun argiz egon daitezke, baina gaua pasatzeko parketik gertu dagoen etxe batera joateko aukera eman diete. Beraz, gauean parketik joan nahi ez badute, poliziak esku hartuko duela adierazi du.

Afrikako emakumeen aldeko borroka sarituko du aurtengo Bakearen Nobel Sariak

Ellen Johnson Sirleaf, Leymah Gbowee eta Tawakkul Karman-ek jasoko dute aurtengo saria

Ostiralean jakinarazi zuen Norvegiako Nobel Sariaren batzordeak 2011ko Bakearen Nobel Sarituak nortzuk ziren. Aurtengo sariak, Afrikako emakumeen aldeko mugimendua sarituko du.  Ellen Johnson Sirleaf Liberiako presidentea, Leymah Gbowee Liberiako ekintzailea eta Tawakkul Karman Yemengo ekintzailea izan dira sarituak. Batzordearen hitzetan, “emakumeen segurtasunagatik eta emakumeek bakearen eraikuntzan parte-hartze osorako duten eskubidearen alde egindako indarkeriarik gabeko borrokagatik” sarituko dituzte.

Ellen Johnson Sirleaf, Liberiako Gobernuko presidentea da 2006az geroztik. Afrikan demokratikoki aukeratutako lehen emakume presidentea da. Leymah Gbowee berriz, herrialde bereko gerra bukatzea lortu zuen mugimendu bakezalearen sortzailea da. Azkenik, Tauakkul Karman, Yemengo politikari bat da; emakumeen, demokraziaren eta bakearen alde egin du.

Milaka lagun manifestatu dira Kukutzaren alde

Autogestioaren aldeko eta kulturaren aldarrikapenak entzun dira Bilbon berriro ere

Atzo, ostiralean, berriro milaka lagun  bildu dira Kukutzaren alde manifestatzeko. Errekaldeko gaztetxea jadanik 2 aste pasata eraitsi zutela,  Bilboko gazte zein ume kulturaren eta autogestioaren aldeko aldarrikapenak egiten dituzte. Errekalden "epizentroa izan duen lurrikarak"  auzoetan eta herrietan "milaka erreplika" izateko deia egin dute auzotarrek.

Maria Diaz de Harotik pasatu eta Errekalde eta Ametzolara ailegatu zen manifestazioan jolas giroa egon da, nahiz eta, Kukutzako asambladaren hitzetan, "lutoz jantzi beharra dago oraindik".

Rodolfo Ares eta beste agintari batzuei eskaini dizkiete hitz batzuk asanbladako kideek. Hasteko, barkamena eskatu diete ertzaintzei "haien buru eta belaunekin borrak apurtu" izanagatik. Gainera, kultura sustatuko duen beste leku abandonatu bat aurkituko dutela "argi eta garbi" daukatela esan dute.


http://paperekoa.berria.info/harian/2011-10-09/002/001/Kukutza.htm
Berria egunkaria

http://www.gara.net/azkenak/10/295799/es/Miles-personas-vuelven-salir-calle-defensa-Kukutza
GARA egunkaria

http://kukutza.blogspot.com/
Kukutza gaztetxearen bloga