Kartzelan sartu dute Leioako ustezko bortxatzailea

Aitor BIAIN 

(10.praktika bigarren zatia)

Larunbatean Leioan atxilotutako ustezko bortxatzailea kartzelan sartzea erabaki du epaileak. Ertzaintzak larunbatean atxilotu zuen 45 urteko gizonezkoa, adin txikiko neskatila bat bortxatzen saiatzea egotzita.

Gertakaria larunbat iluntzean izan zen, 20:00ak inguruan. 10 urteko neskatila bere etxeko atariara sartzen ari zela, bortxatzaileak atzeman egin zuen sexu-erasoa burutzeko. Haurra desagertuta zegoela eta, bizilagun batzuk neskatoaren bila hasi eta auzokideek bahitzailea atxikitzea lortu zuten.

Emakumeen aurkako indarkeriagatik aurrekari penalak ditu erasotzaileak, eta kartzelan ere sartu zuten bortxaketa bat burutzea leporatuta.

Leioako Udalak, agiri baten bidez, “justizia egitea” exijitu du, biktimaren familiari “laguntza eta babes osoa” eskaini, eta erasotzailea aitxikitzea lortu zuten bizilagunei esker ona agertu die.

Zazpi pertsona atxilotu ditu guztira ertzaintzak asteburuan, genero indarkeria leporatuta

Aitor BIAIN

(10.praktika)

Ertzaintzak zazpi persona atzeman ditu guztira EAEn asteburuan, genero indarkeria egotzita, Herrizaingo Sailaren arabera. Gasteizen hiru, Barakaldon bi, Trapagarenen bat eta Irunen beste bat izan dira atxiloketak; haien bikotekideei eraso egitea eta urruntze aginduak urratzea egotzita.

Atxiloketa denak igandean izan dira; goizeko 01:30etan lehena eta egunaren amaieran azkena. Erasoak jaso izana salatuta izan dira lau atxiloketa. Tratu txar psikologikoengatik bat, eta urruntze agindua urratzeagatik gainontzeko bi atxiloketak.

Datorren ostiralean, hilak 25, hainbat mobilizazio deitu dituzte Euskal Herriko zenbait txokotan, nazioarteko genero indarkeriaren aurkako eguna dela aprobetxatuz.


Albistea berria:


Albistea Eitb:

25 urteko hildako bat aurkitu dute Berroztegietako errepidean

Homizidioaren arrastoak aurkitu dituzte mutil kolonbiarraren gorpuan

Julen Biguri

25 urteko gazte kolonbiar baten gorpua Berroztegietako A-3102 errepidean, Araban. Ertzaintzaren arabera hildakoak homizidioaren arrastoak ditu. Gorpua bidean gurutzatuta zegoen auto baten ondoan  aurkitu dute bederatziak aldera.

Ustezko homizidioaren biktima Gasteizen bizi zen, baina kolonbian zuen jatorria. Momentuz Ertzaintzak ez du hilketaren arrazoi handirik aurkitu ikerketa hasieran.

Terrako albistea:

http://noticias.terra.es/2011/sucesos/1029/actualidad/el-hombre-aparecido-muerto-este-viernes-en-el-alto-de-zaldiaran-tenia-25-anos-y-era-natural-de-colombia.aspx

Donostiako Arte Ederren antzokia zena okupatu dute ordu batzuez M-15ko ekintzaileek

Manifestazioa deitu dute arratsaldeko 7etarako

Aitor BIAIN

Bart gauen sartu dira M-15eko hiru ekitzaile Donostiako Arte Ederren antzoki zaharrera. 30 urte dira eraikina hutsik eta inolako erabilerarik gabe dagoela. Hiriaren erdigunean dago eraikina, Urbieta eta Prim kaleak topo ekiten duten lekuan, hain zuzen ere. 

“Eraikinari berriro erabilera kultural eta soziala eman ahal izateko” helburuarekin egindako ekintza izan da, beraien blogean adierazi dutenez. Twitterren ere ekintza bultzatu eta bertaratzeko aipuak egin dituzte. 




(30 urte espekulatzen dio eraikinean zintzilikatu duten pankartak)

Eguerdiko 14:00ak inguruan udaltzaingoa eraikinaren barrura sartu da, eta ordu erdi beranduago protestagileak atera dituzte. Ertzaintza ere hurbildu da, baina ez du parte hartu. Ez udaltzaingoak ezta ertzaintzak ere ez dituzte atxiloketarik egin.

Berria albistea: http://www.berria.info/albisteak/56617/donostiako_arte_ederretako_eraikina_okupatu_dute.htm

Eitb albistea:http://www.eitb.com/eu/albisteak/gizartea/osoa/767356/donostiako-arte-ederren-antzokia-zena-okupatu-dute-ordu-batzuez/

Diario Vasco albistea + bideoa: http://www.diariovasco.com/20111102/local/san-sebastian/policia-desocupa-edificio-bellas-201111021411.html

Milaka lagun manifestatu dira Kukutzaren alde

Autogestioaren aldeko eta kulturaren aldarrikapenak entzun dira Bilbon berriro ere

Atzo, ostiralean, berriro milaka lagun  bildu dira Kukutzaren alde manifestatzeko. Errekaldeko gaztetxea jadanik 2 aste pasata eraitsi zutela,  Bilboko gazte zein ume kulturaren eta autogestioaren aldeko aldarrikapenak egiten dituzte. Errekalden "epizentroa izan duen lurrikarak"  auzoetan eta herrietan "milaka erreplika" izateko deia egin dute auzotarrek.

Maria Diaz de Harotik pasatu eta Errekalde eta Ametzolara ailegatu zen manifestazioan jolas giroa egon da, nahiz eta, Kukutzako asambladaren hitzetan, "lutoz jantzi beharra dago oraindik".

Rodolfo Ares eta beste agintari batzuei eskaini dizkiete hitz batzuk asanbladako kideek. Hasteko, barkamena eskatu diete ertzaintzei "haien buru eta belaunekin borrak apurtu" izanagatik. Gainera, kultura sustatuko duen beste leku abandonatu bat aurkituko dutela "argi eta garbi" daukatela esan dute.


http://paperekoa.berria.info/harian/2011-10-09/002/001/Kukutza.htm
Berria egunkaria

http://www.gara.net/azkenak/10/295799/es/Miles-personas-vuelven-salir-calle-defensa-Kukutza
GARA egunkaria

http://kukutza.blogspot.com/
Kukutza gaztetxearen bloga

25. aldiz atxilotu dute gizon bat heroinarekin trafikatzeagatik Bilbon

Ertzaintzako agenteek 25. aldiz atxilotu dute 34 urteko gizon bat bilbon. Eusko jaurlaritzako barne saileko departamentuak adierazi duenez, heroinarekin trafikatzen zegoela harrapatu zuten agenteek.

Gabeko hamaikak aldera, patruila batek bikote bat behatu zuen San Francisco auzoko taberna baten kapoaldean. Une zehatz batean gizonak paketetxo bat eman zion emakumeari, eta honek trukean billete bat. Drogen trafikoa izan zitekeelakoan ertzainak horra hurbildu ziren. Emakumeak zeraman paketea berehala zabaldu zuten. Bertan, hautzesko sustantzia marroia aurkitu zuten agenteek, hain zuzen, heroina.

Aldamenean zeukan gizonari erositako droga zela azaldu orduko, ertzainek gizona atxilotu zuten. Aurretiaz 24 aldiz atxilotutako gizona epailearen esku jarriko dute gaurko egunean.